سفينة بلادى الغريئة
ياسفينة بلادى الغريئة احنا اللى غرئناكى ولا اية الحئيئة
قضية ضد مجهول ومعروف المسؤل وادينا مش بريئة
كان زمان صوتك عالى كنتى زمان عفية وجريئة
كانت سفنتك تشق البحر وشعلتك فى السما أيده حريئة
تنور ظلام البحور كانت كل الدنيا سراب وانتى الوحيدة الحئيئة
غرئتى ياسفينة بلادى واللى بناة اجدادى غرئناه فى دئيئة
حتى حطام سفنتك سرؤها وكل واحد طالع بسريئة
حتى فنونك وتراثك سرؤه كان تراث دولة عتيئة
دلوئتى فنونك يا ام الدنيا فيلم هابط واغنية بذيئة
أه يازمن العار يلى فيك بيتباع الناس بالدولار يللى فيك غنو للذبابة والحمار
مشكلتنا مشكلة جيل متعلمش يغنى للنيل فيرد عليه النيل بنسمة رئيئة
حبناكى يابلادى حب الهشيم للنار كنت انت الهشيم واحنا النار بأغرضنا الدنيئة
احذرى يابلادى اللى لابس برنيطة واللى عامل شعره خلطبيطة وارتمى فى أحضان فلاحينك وعمالك اللى قالو عليهم بيئة
ونرجع ونقول رغم القهر رغم الديئة
لو شورتى يابلادى هنجيلك فى دئيئة
نعوم سفنتك تانى من جوانا عرفين الطريئة
من جوانا عرفين الطريئة
الشاعر \ أمير فتحى الزفتاوى
